MENU

Uschia pudais vus far part da la «Missiun B»

Crear novas surfatschas per plantas ed animals è simpel. Vivifitgai voss pastget cun flurs selvadias indigenas per las tgirallas ed ils avieuls, laschai crescher la cicoria blaua u mettai in vasch cun flurs-brunsina sin voss balcun. U surlaschai simplamain in chantun da voss curtin a la natira. In mantun da roma è in zup ideal per ils erizuns, in bist da planta mort carmala il pitgalain.

Plantas indigenas

Las plantas indigenas èn la basa da viver da noss animals indigens. L’avieul da la brunsina dovra la flur-brunsina. Cun il pollen nutrescha el ses pitschens. La vanessa brinauna dovra l’urticla. Sco in tozzel autras spezias metta questa tgiralla là ses ovs. Ina singula planta po damai gia esser decisiva per la derasaziun d’ina spezia d’insects en in lieu.

Ma tge plantas èn indigenas? E tge spezias creschan insumma sin mes balcun, en mes curtin u sin mes tetg plat? Respostas dat la plattafurma da l’uniun Floretia. Sviluppada aposta per la «Missiun B», infurmescha ella davart las plantas indigenas e davart las cundiziuns che quellas dovran per crescher bain.

Registrar la surfatscha

Vischnanca
Surfatscha en meters quadrats
Sa tracti d'ina surfatscha en il territori agricul?
Per la «Missiun B» quintain nus las surfatschas novas stgaffidas a partir dal 2019. Sin la charta figureschan mo las surfatschas novas.
Nus duvrain Vossa adressa dad e-mail per As pudair contactar en cas che nus avain basegn d'ulteriuras infurmaziuns davart Vossa surfatscha.
E-mail


Brunsina

Urticla

Iva millifeglia

Culaischen

Fegliadella

Cicoria selvadia

Registrar la surfatscha

Avais vus creà spazi per la natira, semnà flurs selvadias indigenas, fatg in mantun da roma e laschà el per terra, emplunà crappa u schizunt realisà in puz? Alura registrai il dumber da meters quadrat da vossa surfatscha natirala concepida da nov e persequitai co che naschan dapertut en Svizra novs spazis da viver per las plantas ed ils animals indigens.