Tgi sustegna la «Missiun B»?

«Missiun B» è in’acziun cuminaivla da RTR, RSI, RTS e SRF la quala demussa tge che mintgina e mintgin da nus po far concret per la varietad da las spezias en Svizra. Differentas organisaziuns ed interpresas participeschan a l’acziun e s’engaschan uschia per ina surfatscha cun flurs indigenas uschè diversa sco pussaivla. Ellas possedan las enconuschientschas professiunalas necessarias e pon cussegliar e dar tips. Ina collavuraziun – particularmain en dumondas politicas – n’exista betg tranter la «Missiun B» e las organisaziuns.

Nossas reportaschas restan vinavant independentas – quai era tar temas davart la biodiversitad.

Per ils cuntegns sin las singulas paginas èn las organisaziuns sezzas responsablas.

 

Floretia

Per sustegnair la «Missiun B» da RTR, RSI, RTS e SRF han ins fundà l'uniun «Floretia». Quella metta a disposiziun in logo per las plantas selvadias indigenas regiunalas. Sin sia plattafurma online fa ella propostas concretas per plantas e sems indigens regiunals ed infurmescha en tge lieus en Svizra che quels creschan bain.

Dapli davart il tema vegnis vus a savair qua

NatureChallenge

Sin sia pagina-web naturechallenge.swiss documentescha l'Uniun Festival da la natira projects exemplarics da la «Missiun B». Qua pudais vus chargiar si infurmaziuns e maletgs da l'atgna surfatscha ecologica e laschar valitar ella d'ina giuria d'experts. Las realisadras ed ils realisaders da naturechallenge.swiss publitgeschan voss inputs e maletgs sin Facebook ed Instagram. En in register separà pon purschiders regiunals ed uniuns regiunalas sa registrar sco partenaris da contact locals per dumondas en connex cun la biodiversitad.

Dapli davart il tema vegnis vus a savair qua

Ulteriurs projects

Pusch – Protecziun pratica da l'ambient

Pusch sustegna e motivescha vischnancas e scolas d'endrizzar novas surfatschas biodiversas. Quai cun arguments, la basa fundamentala professiunala, in knowhow pratic, furmaziuns supplementaras, instrucziuns d'agir ed exempels concrets.

Dapli davart il tema vegnis vus a savair qua

Pro Natura

Dapi sia fundaziun avant passa 100 onns s'engascha la Pro Natura per rinforzar la biodiversitad. Qua èn da chattar contribuziuns davart il tema e tips per l'agen curtin.

Dapli davart il tema vegnis vus a savair qua

ProSpecieRara

ProSpecieRara s'engascha dapi lur fundaziun il 1982 per spezias d'animals e plantas da cultura ch'èn periclitadas. La fundaziun mussa co mintgina e mintgin po er promover la biodiversitad en l'agen iert.

Dapli davart il tema vegnis vus a savair qua

WWF Svizra

La protecziun da la biodiversitad tutga tar ils temas centrals dal WWF Svizra. El porscha enconuschientschas spezialisadas e fa attent ses commembers co els sezs pon promover la biodiversitad.

Dapli davart il tema vegnis vus a savair qua

Natur & Wirtschaft

La fundaziun Natur & Wirtschaft promova la natira en zonas da colonisaziun. Ella premiescha areals concepids en accord cun la natira e sustegna ses commembers a lunga vista cun svilupar enavant e tgirar lur surfatschas natiralas.

Dapli davart il tema vegnis vus a savair qua

Do it + Garden Migros

Il center d'orticultura da la Migros ha schlargià il sortiment cun artitgels correspundents. Plinavant na vegn vendì nagina arbaja-tscharescha pli, perquai che la planta è sin la glista naira da plantas invasivas.

Dapli davart il tema vegnis vus a savair qua

sanu future learning ag

sanu s'engascha per dapli biodiversitad en la pratica. Els porschan curs e mussan exempels da projects che duain mussar cumpetenzas per dapli biodiversitad, a vischnancas e persunas privatas.

Dapli davart il tema vegnis vus a savair qua

Uniun purila svizra

L'Uniun purila svizra è la federaziun tetgala da las famiglias da purs svizras. Ella infurmescha ses commembers davart ils avantatgs da la biodiversitad e co quella po vegnir promovida a moda activa.

Dapli davart il tema vegnis vus a savair qua

La perscrutaziun da guaud, naiv e cuntrada (WSL)

La biodiversitad è in da tschintg temas principals dal WSL. En rom da la «Missiun B» èn planisadas pliras occurenzas e guidas tar il tema. Quai tar la sedia principala a Birmensdorf ZH sco era en la natira.

Dapli davart il tema vegnis vus a savair qua

Chasa editura Haupt

Haupt è la chasa editura principala per cudeschs davart la natira en Svizra. La chasa editura ha tschentà ensemen ina selecziun cun cudeschs dal fatg, tematics sco er cun cussegls en connex cun la biodiversitad en Svizra.

Dapli davart il tema vegnis vus a savair qua

Forum Biodiversitad Svizra

Il Forum Biodiversitad è center da cumpetenza e post da consultaziun per la biodiversitad en Svizra. El sustegna il project «Missiun B» cun sia savida e sias raits.

Dapli davart il tema vegnis vus a savair qua

BirdLife Svizra

BirdLife Svizra porscha mussavias vasts e tips per dapli natira davant porta – cun il focus sin il mund dals utschels. Sustegn spezialisà porschan er las 440 secziuns da BirdLife en las vischnancas.

Dapli davart il tema vegnis vus a savair qua

Horterre – la plattafurma per chattar u porscher terren per far iert

Avais Vus in iert ma nagin temp? Avais Vus temp ma nagin iert? La nova plattafurma porscha gratuitamain la pussaivladad da metter a disposiziun l’agen iert u da chattar in lieu per far iert.

Dapli davart il tema vegnis vus a savair qua

Jardin Suisse

La federaziun d'ortulanas ed ortulans infurmescha ses commembers davart mesiras concretas per promover la biodiversitad. Uschia pon quels resguardar meglier ils giavischs da possessurs che vulan sa participar tar la «Missiun B».

Dapli davart il tema vegnis vus a savair qua

Bioterra

La federaziun per ortulans da bio e natira s'engascha per promover e mantegnair il mund d'animals e plantas indigenas. Bioterra porscha enconuschientschas professiunalas, curs e publicaziuns co ins po carmalar la natira en l'agen curtin.

Dapli davart il tema vegnis vus a savair qua